بلسم الجروح العربية
اهلاً وسهلاً

هذا مقرنا القديم

للتوجه الى مقرنا الجديد

عبر الرابط التالي

http://al7dr.eb2a.com

كالتلة والله ندمة

استعرض الموضوع السابق استعرض الموضوع التالي اذهب الى الأسفل

كالتلة والله ندمة

مُساهمة من طرف ???? في 28.02.10 18:21

كالتلة {والله ندمة }..............



هذه قصة ولد وبنية واحد يحب الثاني والبنية كل ما تنخطب ترفض لخاطر الولد والولد تخرج وتوضف ومزوجهة ازوج غيرهة فمرت الايام وتلاكو فشوف شنو كالتلة
7
7
7
والله ندمة
صار جوة الكاع حبك من بعد ماجان نجمة
وشرجي صار العمر بعدك يل جنت بايامي نسمة
احنة سبحة وطش خرزهة ومانرد هيهات لمة
دنيا جذابة ووكيحة وكت ماعندة ذمة
واني حزني الجان جاهل من اجلكم صار زلمة
والله ندمة
بية وصلت انسى اسمي ومانسيت بيوم اسمة
وروحي بيني وبينة صارت لاهي يمي ولاهي يمة
شمار اريد الزمهة عنك روحي ماتنطيني لزمة
والله ندمة
حصدو ابستان وردك واني حصرة علية شمة
وكالو المقسوم يحصل وانتضر تجمعنة قسمة
ولو سمعت اجدام مرت كلبي فرفح كال جدمة
والله ندمة
هسة كام يذكر محبتي وبالبواجي عيونة تعمة
ومن ينام بحضن غيري يصير تابوت على جسمة
لابطلت عينك بواجي ولاخطتهة شفافك البسمة
والله ندمة
شمعي نورتة بطريقك وانت شمعاتك مظلمة
وكلي يانوم الي انامة وياحلم كلي الاحلمة
كافي وانساهم يكلبي وذولة موش وجوه نعمة
تكتب بدمك رسايل للي مايسون جلمة
وبعد لاتحمدلك احد تالي هم تحتاج ذمة


اتمنى تعجبكم

منقووووول

????
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى